بھارت اور چین کی متنازعہ سرحد پر پھر جھڑپ، دو درجن فوجی زخمی

نئی دہلی (92 نیوز) بھارت اور چین کی متنازعہ سرحد پر ایک بار پھر جھڑپ، درجنوں فوجی ایک دوسرے پر ٹوٹ پڑے، مکوں اور لاتوں کے آزادانہ استعمال سے دو درجن فوجی زخمی ہوگئے۔

متنازع سرحد پر چین اور بھارت ایک بار پھر گتھم گتھا ہوگئے۔ فوجیوں کی ایک دوسرے پر لاتوں، گھونسوں اور مکوں کی بارش کردی۔ دونوں اطراف سے درجنوں فوجی زخمی ہوگئے۔

انڈین آرمی کے مطابق 20 جنوری کو انڈیا اور چین کی شمالی سکم میں معمولی جھڑپ ہوئی اور معاملہ مقامی کمانڈروں نے سلجھا لیا۔

برطانوی نشریاتی ادارے کے مطابق اس جھڑپ میں دونوں جانب کے کم ازکم ڈیڑھ سو فوجی ملوث تھے۔

جھڑپوں کے بعد دونوں ملکوں کے درمیان کشیدگی بڑھ گئی۔ چینی وزارت خارجہ کے ترجمان زہاؤ لجیان کہتے ہیں مخالف فریق تحمل کا مظاہرہ کرے۔