بچے سے زیادتی کے ملزم پولیس اہلکار کی درخواست ضمانت مسترد
اسلام آباد ( 92 نیوز) اسلام آباد ہائیکورٹ نے بچے سے زیادتی کے ملزم پولیس اہلکار کی درخواست ضمانت مسترد کرتے ہوئے تین ماہ میں ٹرائل مکمل کرنے کا حکم دے دیا۔
پولیس اہلکار شہزاد خلیق کے خلاف بچے سے زیادتی کا مقدمہ درج ہے ، اہلکار نے اسلام آباد ہائیکورٹ میں ضمانت کیلئے درخواست دائر کی تھی جسے عدالت نے مسترد کر دیا ۔
جسٹس محسن اختر کیانی نے حکمنامہ جاری کیا ریمارکس دیے کہ بچوں سے زیادتی پورے معاشرے کیخلاف سنگین جرم ہے، پولیس اہلکار شہریوں کی حفاظت کے لئے ہیں نہ کہ زیادتی کے لئے۔
عدالت نے ریمارکس میں کہا کہ شہزاد خلیق نے 25 اگست کو زین العابدین نامی بچے پر پستول تانا،شریک ملزمان کے ساتھ بچے کو بلیک میل بھی کرتا رہا،ماتحت عدالت شہزاد خلیق کا تین ماہ میں ٹرائل مکمل کرے ۔
پولیس اہلکار شہزاد خلیق نے ضمانت بعد از گرفتاری کی درخواست دائر کی تھی۔