بلوچستان، سی ٹی ڈی اور حساس اداروں کا آپریشن، کالعدم تنظیم کے کمانڈر سمیت 4 دہشت گرد ہلاک

کوئٹہ (92 نیوز) بلوچستان کے علاقے دشت میں سی ٹی ڈی اور حساس اداروں کے آپریشن میں کالعدم تنظیم کے کمانڈر سمیت 4 دہشت گرد ہلاک جبکہ 2 اہلکار زخمی ہوگئے۔ سی ٹی ڈی حکام کے مطابق بلوچستان میں مستونگ کے علاقے دشت میں سی ٹی ڈی اور حساس اداروں نے کالعدم تنظیم لشکر جھنگوی کے دہشتگردوں کی موجودگی کی اطلاع پر آپریشن کیا۔ سی ٹی ڈی کے مطابق دوران کارروائی دوطرفہ فائرنگ میں کالعدم تنظیم کے کمانڈرعبدالکریم سمیت 4 دہشت گرد ہلاک مارے گئے، جبکہ مقابلے میں دو اہکار زخمی بھی ہوئے۔ دہشت گردوں کے ٹھکانے سے خودکش جیکٹس، اسلحہ، دھماکہ خیز مواد برآمد کرلیا گیا، سیکورٹی فورسز کی بھاری نفری موقعہ پر پہنچ گئی۔