بلدیاتی انتخابات : پنجاب میں مسلم لیگ ن کی مجموعی برتری

لاہور(92نیوز)بلدیاتی  انتخابات کے  اب تک اورغیر حتمی اور غیر سرکاری نتائج کے مطابق پنجاب میں مسلم لیگ  ن کو  مجموعی   برتری  حاصل  ہے جبکہ لالہ موسیٰ میں پیپلز پارٹی، تلہ گنگ میں قاف لیگ اور کھاریاں میں تحریک انصاف نے میدان مار لیا ہے ، آزاد  امیدوار  بھی بڑی  تعداد میں عوامی نمائندے  بننےمیں کامیاب ہو گئے ہیں۔ تفصیلات کےمطابق  ضلع  فیصل  آباد  کی  میونسپل  کمیٹی  چک  جھمرہ  کی بارہ نشستوں میں سے  دس پر مسلم  لیگ  نون   کامیاب  ہوئی  دو  پر آزاد  امیدوار منتخب  ہو ئے ۔ جڑانوالہ میں آزاد امیدوار چھا گئے میونسپل   کمیٹی  کی  بیس نشستوں پر  آزاد نو پر ن لیگ  اورایک نشست پر تحریک انصاف کا امیدوار کامیاب ہوا۔ ضلع گجرات  کی  میونسپل  کمیٹی  لالہ  موسیٰ  کی چوبیس  نشستوں  میں سے  چودہ پر  پیپلز پارٹی کامیاب ہوئی  پاکستان  تحریک انصاف کو  پانچ اور نون  لیگ  تین  سیٹیں  حاصل کرسکیں  دو نشستیں  آزاد  امیدواروں کے حصے میں  آئیں۔ کھاریاں میں  تحریک انصاف نے میدان مار لیامیونسپل کمیٹی کی  گیارہ میں سے آٹھ پر پی  ٹی  آئی ،  تین  پر  مسلم لیگ نون  کامیاب ہو ئی۔ میونسپل کمیٹی  ڈنگہ  کی  بارہ  سیٹوں میں سے   گیارہ  پر  نون  لیگ کے  حمایت  یافتہ  امیدوار منتخب  ہو ئے ایک نشست   پیپلز پارٹی  کوملی۔ میونسپل کمیٹی سرائے عالمگیر کی بارہ میں سے نو سیٹیں نو ن لیگ نے جیتیں  تحریک انصاف، جماعت اسلامی اور آزاد امیدوار ایک ایک نشست  جیت سکے۔ جلال پور جٹاں کی   تیئس رکنی میونسپل کمیٹی  میں سے بارہ پر  نون لیگ  کامیاب ہوئی  قاف لیگ کو  آٹھ اور آزاد امیدواروں کو  تین سیٹیں ملیں۔ کنجاہ  کی  گیارہ   رکنی میونسپل  کمیٹی  میں  سے  د س پر انتخاب ہوا جس میں  سے سات  نشستیں   آزاد  امیداور  لے  اڑے   تین پر  نون  لیگ  کامیاب ہو ئی ۔ چکوال کی  میونسپل  کمیٹی  تلہ   گنگ میں  بارہ  میں سے سات  نشستوں پر قاف لیگ کامیاب  ہوئی تین نون  لیگ اور  دو    سیٹیں آزاد امیدواروں کے   حصے میں  آئیں۔ میونسپل کمیٹی بہا ولنگر کی  سینتالیس  نشستوں  میں سے ستائیس پر  نون لیگ   کامیاب ہوئی پانچ  سیٹوں  پرپی  ٹی  آئی اور   پندرہ  پر  آزاد  امیدوار  کامیاب ہو سکے۔ وہاڑی میں  نون لیگ کے  حمایت  یافتہ  تین گروپوں نے بلدیاتی  انتخابات میں حصہ لیا میاں ثاقب   گروپ نے میونسپل کمیٹی کی   چوبیس نشستوں  میں سے دس پر کامیابی   حاصل کی  طاہر  اقبال  گروپ کو  سات اور  تہمینہ دولتانہ  گروپ کو  تین نشستیں  ملیں  یہاں  سے چار آزاد امیدوار بھی منتخب  ہوئے۔ بھکر کی  تینوں  میونسپل  کمیٹیوں کے نتائج  مکمل  ہوگئے ،میونسپل کمیٹی دریاخان میں ن لیگ  اور  آزاد امیدوار وں  نے چھ   چھ  نشستیں جیتیں  میونسپل کمیٹی دلےوالا میں مسلم لیگ ن کو  تین اور   آزاد امیدواروں کو  دو جبکہ میونسپل کمیٹی جنڈاں والا میں بھی  ن لیگ   کو  تین   اور   آزاد امیدوار وں کو دو  نشستیں ملیں۔