بلدیاتی انتخابات میں امن و امان کی ذمہ داری صوبائی حکومت کی تھی الیکشن کمیشن کی نہیں:ترجمان الیکشن کمیشن  

اسلام آباد(92نیوز)الیکشن کمیشن نے خیبرپختونخوا میں بلدیاتی انتخابات پر چیئرمین تحریک انصاف کے بیانات کا نوٹس لے لیا ترجمان کا کہنا ہے کہ امن  و امان کی ذمہ دار صوبائی حکومت ہے الیکشن کمشن نہیں۔                                                                                                                                                                                                                                                                                                                                                             تفصیلات کے مطابق خیبر پختونخوا بلدیاتی انتخابات پر چیئرمین تحریک انصاف عمران خان نے اتوار کے روز پریس کانفرنس میں الیکشن کمیشن کو آڑے ہاتھوں لیا تھا اور بدانتظامی کا ذمہ دار الیکشن کمیشن کو ٹھہرایا تھا۔ عمران خان نے کہا کہ انتخابات ایک ہی دن کرانے کی بجائے مرحلہ وار کروائے جانے چاہیئے تھے کے رد عمل میں الیکشن کمیشن نے چیئرمین تحریک انصاف عمران خان اور وزیر اعلی خیبر پختونخوا کی پریس کانفرنس پر افسوس کا اظہار کرتے ہوئے خیبر پختونخوا میں بلدیاتی انتخابات پر تنقید کو یکسر مسترد کر دیا ۔ الیکشن کمیشن کے مطابق سیکیورٹی صورتحال کےپیش نظرصوبائی حکومت کوبلدیاتی انتخابات مرحلہ وارکرانیکی تجویز دی تھی، خیبر پختونخوا میں بلدیاتی انتخابات مرحلہ وار ہوتے تو بدانتظامی اورتشددکےواقعات سےبچاجاسکتاتھا، ماضی میں بھی مرحلہ وار بلدیاتی انتخابات کرائےگئے۔ ترجمان الیکشن کمشن کے مطابق  عمران خان اور وزیر اعلی پرویزخٹک کےمرحلہ وارانتخابات سےمتلعق بیانات میں کوئی صداقت نہیں، صوبائی حکومت اپنی ناکامی دوسروں پر نہ ڈالے۔ امن و امان کا قیام صوبائی حکومت کی ذمہ  داری تھی، الیکشن کمیشن کا کہنا ہے کہ سیاسی جماعتوں کی تجویز پر الیکشن ایک ہی مرحلے میں کرائے گئے۔ صوبائی حکومت کی معاونت کیلیےپاک فوج اوردیگر اداروں کی خدمات دی گئیں۔