بلدیاتی انتخابات : سندھ میں عوام نے پی پی کے حق میں فیصلہ دیدیا
گھوٹکی(92نیوز)بلدیاتی انتخابات میں سندھ کےعوام نے پیپلز پارٹی کے حق میں فیصلہ دے دیا ،نوڈیرو، گھو ٹکی اور اوباڑو سمیت کئی میو نسپل کمیٹیوں میں حکمران جماعت نے کلین سویپ کیا ، سندھ کے آٹھ اضلاع میں ہونے والے بلدیاتی انتخابات میں صوبے کی حکمران جماعت پیپلز پارٹی چھائی رہی۔
تفصیلات کےمطابق ضلع لاڑکانہ کی میونسپل کمیٹی نوڈیرو میں پیپلز پارٹی نے میدان مار لیا اور سات کی سات نشستوں پر پی پی کے امیدوار کامیاب ہو ئے۔میونسپل کمیٹی گھوٹکی کی چودہ کی چودہ سیٹیں پیپلز پارٹی کے نام رہیں۔
میر پور ماتھیلو میونسپل کمیٹی کی نو نشستوں میں سے چھ پر آزاد امیدوار منتخب ہوئے ،،پیپلز پارٹی کے حصے میں تین نشستیں آئیں۔
ٹاؤن کمیٹی خان گڑھ کی تمام چھ نشستیں پیپلز پارٹی کے حصے میں آئیں۔
ڈھرکی کی چودہ رکنی ٹاؤن کمیٹی میں سے آٹھ پر آزاد امیدوار کامیاب ہوئے ، پانچ نشستیں پیپلز پارٹی جیت سکی۔
ٹاؤن کمیٹی اوباڑو کی دس کی دس سیٹیں پیپلز پارٹی جیتنے میں کامیاب ہوئی ۔
ٹاؤن کمیٹی کشمورکی پندرہ نشستوں میں سے چودہ آزاد امیدواروں کے نام رہیں جے یو آئی ایک نشست حاصل کر سکی ۔
ٹاؤن کمیٹی گدو میں کل دس نشستوں میں سے آٹھ پر پیپلز پارٹی جبکہ دو پر آزاد امیدوار کامیاب ہو ئے ۔
ضلع جیکب آباد کی ٹاؤن کمیٹی میرپور بٹھورو کی تمام پانچ نشستیں پیپلز پارٹی کے نام رہیں، ٹاؤن کمیٹی سردار سہراب خان سرکی میں بھی پیپلز پارٹی چھائی رہی اور تمام چار نشستوں پر پی پی کے امیدوار منتخب ہوئے۔
