بلاول شیخ رشید کا نام سنتے ہی برہم ، وزیراعظم سے گھر بھیجنے کا مطالبہ

لاڑکانہ ( 92 نیوز)  بلاول بھٹو زرداری وفاقی وزیر ریلوے شیخ رشید کا نام سنتے ہی آگ بگولہ ہوجاتے ہیں ، آج بھی کچھ ایسا ہی ہوا جب  صحافی نے شیخ رشید سےمتعلق سوال سامنے رکھا تو چیئرمین پیپلزپارٹی برہم ہو گئے، وزیراعظم سے اپنے وزیر کو گھر بھیجنے کا مطالبہ کردیا۔ لاڑکانہ میں میڈیا سے گفتگو کے دوران نام لئے بغیر بلاول بھٹو زرداری پنڈی بوائے پر چڑھ دوڑے اور  کہا کہ ایک وزیر سندھ کو گالی دیتا ہے  کوئی  اس سے پوچھے گا۔ شیخ رشید نے ایچ آئی وی کی سنگین صورتحال پر صوبائی  حکومت پر تنقید کرتے ہوئے سندھ کو ایڈستان کہا تھا۔ شیخ رشید اور بلاول بھٹو کی  لڑائی  نئی نہیں ، ماضی قریب میں  دونوں رہنما ایک دوسرے کو طنزیہ الفاظ میں یاد کرتے رہے ہیں ۔