بلاول بھٹو اپنے امیدوار یوسف رضا گیلانی کی جیت کیلئے پر امید

اسلام آباد (92 نیوز) بلاول بھٹو اپنے امیدوار یوسف رضا گیلانی کی جیت کیلئے پر امید ہیں ، چیئرمین پاکستان پیپلزپارٹی نے کہا کہ وہ حکومت جسے آنکھ بند کرکے یہ الیکشن جیتنا چاہئے تھا ،آج پریشان ہے، پی ڈی ایم کامیاب ہو چکی۔

انہوں نے کہا کہ ہم نے کٹھ پتلی حکومت کو ایکسپوز کردیا، ہم نے قوم کو دکھا دیا تحریک انصاف کے اپنے ارکان حکومت سے خفا ہیں۔

 اپوزیشن لیڈر شہباز شریف بولے آج ہر رکن نے اپنے ضمیر کے مطابق ووٹ ڈالنا ہے۔چیئرمین پاکستان پیپلزپارٹی نے کہا کہ حکومت کی بدترین کاکردگی پوری دنیا کے سامنے ہے۔