بریگزٹ بل جمعہ کو ہاؤس آف کامنز میں پیش کیا جائیگا، بورس جانسن
لندن (92 نیوز) یورپی یونین سے انخلاء کا عمل جلد از جلد مکمل کرنے کا انتخابی وعدہ ، حکمران ٹوری پارٹی نے بریگزٹ بل بل جمعہ کو ہاؤس آف کامنز میں پیش کرنے کا فیصلہ کر لیا۔
برطانوی وزیر اعظم کے ترجمان کا کہنا ہے کہ یورپی یونین سے برطانوی انخلا کیلئے ضروری قوانین کو جمعہ کے روز، نومنتخب عوامی نمائندوں کے سامنے پیش کیا جائے گا۔
انہوں نے مزید کہا کہ وہ کرسمس سے قبل قانون سازی کا عمل شروع کرنے کا منصوبہ رکھتے ہیں ، سب کچھ اسپیکر سے مشاورت کے بعد آئینی طریقے سے کیا جائے گا۔
موجودہ صورتحال میں بریگزٹ سے متعلق قانون سازی یقینی دکھائی دیتی ہے۔