برطانیہ کیلئے پروازوں کی عارضی پابندی کی مدت میں توسیع کر دی گئی

کراچی (92 نیوز) برطانیہ میں کورونا کی دوسری خطرناک لہر کے باعث پروازوں کی عارضی پابندی کی مدت میں توسیع کر دی گئی ۔

سول ایوی ایشن اتھارٹی پاکستان نے برطانیہ کیلئے پروازوں  کی پابندی کی مدت میں توسیع کا نوٹیفکیشن جاری کر دیا ، جاری کردہ نوٹیفکیشن کے مطابق پابندی کی مدت میں 4جنوری2021 تک توسیع کی گئی۔

ترجمان سول ایوی ایشن کا کہنا ہے کہ 4جنوری کے بعد صورتحال کا جائزہ لے کر مستقبل کا فیصلہ کیا جائیگا۔