برطانیہ کا طالبان حکومت تسلیم نہ کرنے کا اعلان

لندن (92 نیوز) برطانیہ نے افغانستان میں طالبان حکومت تسلیم نہ کرنے کا اعلان کردیا۔

برطانوی وزیر خارجہ ڈومینک راب نے قطری ہم منصب کےساتھ پریس کانفرنس میں کہا،طالبان نئی حقیقت ہیں برطانیہ کو اس حقیقت سے ہم آہنگ ہونا ہو گا۔ اس بات کو یقینی بنایا جانا چاہئے کہ افغانستان دوبارہ دہشت گردوں کا گڑھ نہ بنے۔ خطے میں استحکام کو یقینی بنانے کے لئے طالبان کے وعدوں کو جانچا جائے گا۔

ڈومینک راب نے کہا، افغانستان کو کسی بھی انسانی بحران سے بچانے کیلئے اس برس افغانستان کے لیے امداد دوگنی کر دی ہے۔ جائزہ لیں گے کہ انسانی حقوق کے شعبے میں اور خواتین اور لڑکیوں کے ساتھ کیسا سلوک کیا جاتا ہے۔