برطانوی وزیر مملکت خارجہ و ترقیاتی امور لارڈ طارق احمد 2 روزہ دورے پر اسلام آباد پہنچ گئے
اسلام آباد (92 نیوز) برطانوی وزیر مملکت خارجہ و ترقیاتی امور لارڈ طارق احمد 2 روزہ دورے پر اسلام آباد پہنچ گئے۔
برطانوی وزیر مملکت برائے خارجہ و ترقیاتی امور لارڈ طارق احمد وزیر انسانی حقوق شیریں مزاری سے ملاقاتیں کریں گے۔ پنجاب کے گورنر اور وزیر اعلی، پارلیمانی رہنماؤں، سول سوسائٹی ارکان سے بھی ملیں گے۔
ترجمان برطانوی ہائی کمیشن کے مطابق برطانوی وزیر مملکت برائے خارجہ امور موسمیاتی تبدیلی، کورونا وباء کی روک تھام پر بات کریں گے۔ اقلیتی امور، بچیوں کی تعلیم اور تجارتی تعاون پر بھی گفتگو کی جائے گی۔ کورونا وباء پھوٹنے کے بعد کسی بھی برطانوی وزیر کا یہ پہلا دورہ پاکستان ہے۔
Salaam Pakistan.
Looking forward to my visit - a country with special people to people
ties with the UK - to discuss how UK-Pakistan cooperation on climate
change, girls’ education and trade reforms is making a difference on the
ground #UKPakDosti
pic.twitter.com/sIGMzSop4J
برطانوی وزیر مملکت برائے خارجہ امور لارڈ طارق احمد نے اسلام آباد آمد پر ٹویٹ میں کہا "سلام پاکستان"۔ اب دورہ پاکستان شروع کرنے کا متمنی ہوں، پاکستان کے ساتھ برطانیہ کے خصوصی عوامی رشتے ہیں۔ دیکھیں گے کہ جاری اصلاحات سے زمینی حقائق پر کتنا اثر پڑا ہے۔
برطانوی ہائی کمشنر ڈاکٹر کرسچن ٹرنر کا لارڈ طارق کے ٹویٹ پر جوابی ٹویٹ میں اُنہیں پاکستان میں خوش آمدید کہا۔ ڈاکٹر کرسچن ٹرنر نے کہا وہ سر زمین جہاں پاک، برطانیہ مضبوط دوستی پر بے حد فخر ہے۔
