برطانوی دارالعوام نے ہیتھروایئر پورٹ پر تیسرے رن وے کے قیام کی منظوری دے دی
لندن (92 نیوز) برطانوی دارالعوام نے دارالحکومت لندن کے ہیتھرو ائیر پورٹ پر تیسرے رن وے کے قیام کی منظوری دیدی ۔
برطانوی دارالعوام میں حکومت کی جانب سے ہیتھرو ایئر پورٹ کی توسیع کا بل پیش کیا گیا جسے کثرت رائے سے منظور کر لیا گیا۔
بل کے حق میں چار سو پندرہ اور مخالفت میں ایک سو انیس ووٹ پڑے ۔
منظوری کے بعد مصروف ہیتھرو ایئرپورٹ کا تیسرا رن وے تعمیر کیا جائے گا ۔
حکومت کا موقف ہے کہ تعمیر کیلئے ٹیکس دہندگان سے پیسے وصول نہیں کیے جائیں گے جبکہ ایک لاکھ افراد ملازمتیں حاصل کر سکیں گے ۔
دوسری جانب ہیتھرو ایئر پورٹ کی توسیعی منصوبے کے مخالفین نے پارلیمنٹ لابی میں لیٹ کر احتجاج کیا ۔