برسلز میں کورونا سے متعلق پابندیوں کیخلاف احتجاج پُرتشدد ہوگیا
برسلز (92 نیوز) بیلجیئم کے شہر برسلز میں کورونا سے متعلق پابندیوں کیخلاف احتجاج پُرتشدد ہوگیا۔
خبرایجنسی کے مطابق پولیس کی جانب سے مظاہرین پر آنسو گیس کی شیلنگ، واٹرکینن کا استعمال کیا گیا۔ مظاہرین کی جانب سے فائر بم اور پتھر پھینکے گئے۔
مظاہرے میں ہزاروں افراد شریک ہوئے جو مختلف مقامات سے ہوتے ہوئے شہر کے مرکز میں جمع ہوئے۔ مظاہرین نے آزادی کے حق میں نعرے لگائے۔ مظاہرین نے ہوٹلوں اور بارز میں جانے کیلئے پاس دکھانے کی شرط کے خاتمے کا بھی مطالبہ کیا۔
