برسلز میں خواتین پر تشدد کے خاتمے کے عالمی دن کی مناسبت سے ریلی
برسلز ( 92 نیوز) برسلز میں خواتین پر تشدد کے خاتمے کے عالمی دن کی مناسبت سے ریلی کا اہتمام کیا گیا ، جس میں دس ہزار سے زائد خواتین نے شرکت کی ۔
دارالحکومت برسلز میں ریلی میں خواتین کے حقوق کیلئے کام کرنے والی تنظیموں سمیت دس ہزار سے زائد خواتین نے شرکت کی ، ریلی مختلف راستوں سے ہوتے ہوئے برسلز کے کورٹ ہاؤس پر اختتام پذیر ہوئی جہاں تشدد سے ہلاک خواتین کی یاد میں سرخ جوتے رکھے گئے ۔
اس موقع پر شرکا نے خواتین پر تشدد کیخلاف زبردست نعرے بازی کی ، چند خواتین نے زخموں کی عکاسی کرنے کیلئے اپنے چہرے پر پینٹنگ بھی کی ہوئی تھی ۔
منتظمین کے مطابق بیلجئم میں دو ہزار سترہ سے لیکر اب تک 99 خواتین گھریلو تشدد کی بھینٹ چڑھ چکی ہیں ۔