بدنام زمانہ منشیات فروش ال چیپو کے بیٹے کو پکڑنا میکسیکن پولیس کو مہنگا پڑ گیا
میکسیکو (92 نیوز) میکسیکو میں سیکورٹی فورسز اور منشیات فروشوں کے درمیان گھمسان کا رن پڑگیا، آخرکار پولیس کو پیچھے ہٹنا پڑا۔ خونریزی سے بچنے کےلیے میکسیکو پولیس نے بدنام زمانہ ڈرگ لارڈ ال چیپو کے بیٹے کو چھوڑ دیا۔
بدنام زمانہ منشیات فروش گروہ سینا لوآ نے میکسیکو حکومت کی طاقت کا پول کھول دیا۔ ساتھی کو چھڑانے کیلئے شمالی شہر کولیاکَن کی سڑکوں پر لاشوں کے ڈھیر لگا دیئے۔
کولیا کن میں ایک کارروائی کے دوران منشیات کی دنیا کے گاڈفادر ال چیپو کے بیٹے اویڈو گزمین کو گرفتار کرلیا گیا جس کے ساتھیوں نے اسے چھڑانے کیلئے بھاری اسلحے کے ساتھ پولیس پر دھاوا بول دیا۔
سڑکوں پر لاشیں گرتے دیکھ کر پولیس خود حواس باختہ ہوگئی۔ انھوں نے مجرموں کے سامنے شکست کا اعتراف کرتے ہوئے اویڈ گزمین کو رہا کر دیا۔