بجلی کے نرخوں میں اٹھارہ پیسے فی یونٹ تک اضافہ

اسلام اباد (92 نیوز) بجلی کے نرخوں میں اٹھارہ پیسے فی یونٹ تک اضافہ کر دیا گیا۔

وزارت توانائی کی جانب سے جاری نوٹی فیکشن کے مطابق حالیہ اضافے کے بعد فی یونٹ قیمت 13 روپے 35 پیسے سے بڑھ کر 13 روپے 53 پیسے ہو گیا ہے۔ تین سو یونٹ تک بجلی استعمال کرنے والے صارفین کے لیے 15 پیسے فی یونٹ کا اضافہ کیا گیا ہے جبکہ تین سو یونٹ سے زائد بجلی استعمال کرنے والے صارفین کے لیے تین پیسے فی یونٹ اضافہ کیا گیا ہے۔

نوٹی فیکیشن کے مطابق قیمتوں میں اضافے کا اطلاق رواں ماہ سے ہو گا جو آنے والے دس ماہ کے لیے کیا گیا ہے۔

ترجمان پاور ڈویژن کا کہنا ہے پہلے سے نافذ ٹیرف اسی تاریخ کو ختم ہو رہا تھا۔ صارفین کیلئے پرانی قیمت برقرار رہے گی۔