بجلی کی لوڈ شیڈنگ پر پاک سرزمین پارٹی کا کے الیکٹرک دفتر کے سامنے احتجاج کا فیصلہ

کراچی (92 نیوز) کراچی میں بجلی کی لوڈ شیڈنگ کا سلسلہ جاری ہے ۔ شہرکے مختلف علاقوں میں آٹھ سے دس گھنٹے کی لوڈ شیڈنگ کی جا رہی ہے  ۔سیاسی جماعتیں آج کے الیکٹرک کے خلاف احتجاج کریں گی ۔ پاک سرزمین پارٹی کے الیکٹرک کےمرکزی دفتر کے سامنے اور جماعت اسلامی پریس کلب پر مظاہرہ کرے گی ۔ تکنیکی خرابی اور مرمت کے نام پر بھی گھنٹوں بجلی غائب ہے ، باربار بجلی کی بندش سے شہریوں کوشدید مشکلات کا سامنا ہے ۔ شہری کہتےہیں بجلی تو آتی نہیں لیکن بل بہت زیادہ آجاتا ہے۔ تجاراتی اورصنعتی علاقوں میں بھی بجلی کی بندش سے محفوظ نہیں ہیں۔ بجلی کی لوڈشیڈنگ سے کاروباری سرگرمیاں شدید متاثرہیں۔