بجلی 98 پیسے فی یونٹ مہنگی کرنے کا فیصلہ موخر
اسلام آباد (92 نیوز) مہنگائی کی چکی میں پسے عوام کو ایک اور جھٹکا لگتے لگتے رہ گیا ، بجلی 98 پیسے فی یونٹ مہنگی کرنے کا فیصلہ موخر کر دیا گیا۔
بجلی کی قیمتوں میں اضافہ نومبر میں ماہانہ فیول ایڈجسٹمنٹ کی مد میں کیا جانا تھا ، سینٹرل پاور پرچیزنگ ایجنسی کے مطابق نومبر میں پانی سے 39.01 فیصد، کوئلے سے 27.31 فیصد ، مقامی گیس سے 9.34 فیصد، درآمدی ایل این جی سے 9.20 فیصد اور ایٹمی ذرائع سے 11.55 فیصد بجلی پیدا کی گئی۔
گزشتہ ماہ 7 ارب 20 کروڑ یونٹ بجلی پیدا ہوئی، جس پر 25 ارب روپے لاگت آئی، 9پیسے فی یونٹ بجلی ٹرانسمیشن لاسز کی نذر ہوئی، درآمدی گیس سے 10 روپے 5 پیسے فی یونٹ بجلی پیدا کی گئی۔