بارہ مئی انیس سو پچاسی میں پیدا ہوئی مگر عمر 16 سال ہے: اداکارہ میرا کا انکشاف

کراچی (92نیوز) اداکارہ میرا نے اپنی عمر کا بھانڈا خود ہی پھوڑ دیا۔ کہتی ہیں آج ان کی سالگرہ ہے۔ وہ انیس سو پچاسی میں پیدا ہوئیں۔ اس کے باوجود میرا اپنی عمر سولہ سال ہی بتاتی رہیں۔

تفصیلات کے مطابق میرا آئی تو تھیں کراچی پریس کلب میں اپنے نئی آنے والی فلم ”ہوٹل“ کے بارے میں بتانے مگر جہاں میرا ہوں وہاں پھلجھڑیاں نہ چھوٹیں ایسا ہو نہیں سکتا۔ اداکارہ میرا نے بتایا کہ آج انکی سالگرہ ہے۔

صحافیوں نے عمر بتانے پر اصرار کیا تو پرچے پر انیس سو پچاسی لکھ کر دکھا دیا مگر منہ سے نکلا کہ ان کی عمر 16سال ہی ہے۔ میرا نے ایک بار پھر پوری فلم انڈسٹری کو مورد لزام ٹھہراتے ہو کہا کہ سیاست میں اتنی سیاست نہیں جتنی فلم انڈسٹری میں ہے۔

میرا کی نئی فلم ”ہوٹل“ ریلیز ہو رہی ہے بقول میرا کے ان کی فلم ایک بھرپور فلم ہو گی جس مین شائقین کے لئے سب کچھ ہے۔