بارش کے باعث چھتیں گرنے اور دیگر حادثات میں 14 افراد جاں بحق، انیس زخمی

لاہور ( 92 نیوز) پنجاب میں بارش کے باعث چھتیں گرنے اور دیگر حادثات میں 14 افراد جاں بحق جب کہ 19 زخمی ہو گئے ۔

لاہور کے علاقے ہربنس پورہ میں چھت گرنے سے چار افراد جاں بحق اور پانچ زخمی ہو گئے ۔ شیخوپورہ میں چھت گرنے سے خاتون اور بچہ جاں بحق جبکہ سات افراد زخمی ہوئے ۔

پھالیہ میں چھت گرنے سے ماں اور چار بچے دم توڑ گئے ، چکوال میں مٹی کا تودہ گرنے سے تین افراد جاں بحق ہو گئے ۔ مریدکے میں بھی دو افراد زخمی ہوئے ۔