بارش اور دھند کے باعث ملک بھر میں ٹرینوں کا شیڈول متاثر

لاہور ( 92 نیوز) بارش اور دھند کے باعث ملک بھرمیں ٹرینوں کاشیڈول متاثر  ہے ،کراچی اور کوئٹہ سے لاہور آنے اور جانے والی تمام ٹرینیں گھنٹوں تاخیر کا شکار  ہیں ۔ کراچی سے لاہور آنے والی پاکستان ایکسپریس 8 گھنٹے تاخیر کا شکار ہو گی ،  جعفر ایکسپریس 5 گھنٹے  ،جناح ایکسپریس 4 گھنٹے 10 منٹ تاخیر کا شکار ہو سکتی ہے ۔ کراچی ایکسپریس 6 گھنٹے 20 منٹ،اکبر ایکسپریس 3 گھنٹے 30 منٹ ، ملت ایکسپریس 6  گھنٹے 40 منٹ،قراقرم ایکسپریس 7 گھنٹے 40 منٹ تاخیر کا شکار ہونے کا امکان ہے ۔ بارش اور دھند  کے باعچ خیبر میل 2 گھنٹے 10  منٹ،گرین لائن ایکسپریس 2 گھنٹے 20 منٹ تاخیر کا شکار ہو سکتی ہے جب کہ کراچی سے آنے والی تیز گام ایکسپریس 2 گھنٹے 45 منٹ اور علامہ اقبال ایکسپریس 3 گھنٹے 40 منٹ لیٹ ہو گی ۔ شالیمار ایکسپریس 5 گھنٹے 10 منٹ،فرید ایکسپریس 2 گھنٹے 45 منٹ ، کراچی سے براستہ لاہور فیصل آباد جانے والی شاہ حسین 4گھنٹے 10 منٹ تاخیر کا شکار ہے ۔ کراچی سے لاہور آنے والی پاک بزنس ایکسپریس 5 گھنٹے 30 منٹ لیٹ  ہے۔ ریلوے حکام کے مطابق  بارش اور دھند کے باعث ٹرینوں کا شیڈول متاثر ہوا ہے ۔