بابا گورونانک دیو جی کے جنم دن کی تقریبات پر سکھ برادری نے مذہبی رسومات ادا کیں

متروکہ وقف املاک بورڈ اور پاکستان سکھ گوردوارہ پر بندھک کمیٹی نے ضلعی انتظامیہ کے تعاون سے سکھ یاتریوں کے لئے قیام و طِعام، لنگر اور سیکیورٹی کےانتظامات کئے ہیں۔

سکھ یاتریوں کی سہولت کے لئے محکمہ صحت، نیشنل بینک، پاکستان پوسٹ، پی ٹی سی ایل، سول ڈیفنس، ریسکیو 1122 اور دیگر محکموں نے اپنے اپنے سٹالز لگا رکھے ہیں۔ سکھ یاتریوں کی شکایات کے فوری ازالے کے لئے شکایات سیل بھی بنایا گیا ہے۔

کورونا وائرس سے پیدا شدہ موجودہ صورتحال کے پیش نظر محکمہ صحت نے گوردوارہ جنم استھان میں اضافی انتظامات کئے ہیں۔

گوردوارہ جنم استھان میں سکھ یاتریوں کے لئے دس بستروں پر مشتمل عارضی اسپتال بھی بنایا گیا ہے۔ یاتریوں کی سیکیورٹی کے بھی فول پروف انتظامات کئے گئے ہیں۔