بائیو ماہرین کی خطرناک اینتھراکس وائرس ڈیڈ کئے بغیر جنوبی کوریا،آسٹریلیا سمیت 24لیبارٹریوں کو بھجوانے پر امریکہ پر شدید تنقید

اونٹاریو (ویب ڈیسک) امریکی ریاست اوٹاوا سے خطرناک بیکٹیریا وائرس اینتھراکس کے نمونے جنوبی کوریا اور آسٹریلیاسمیت چوبیس لیبارٹریوں کو بھیج دیئے گئے ہیں۔ فعال اینتھراکس وائرس کی جنوبی کوریا ایئربیس منتقلی کی خبریں اس سے پہلے بدھ کے روزسامنے آئیں۔ پینٹاگان نے کہا ہے کہ اتفاقی طور پرامریکی ریاستوں ٹیکساس، میری لینڈ، وسکونسن، ڈیلاویئر، نیوجرسی، ٹینیسی، نیویارک، کیلیفورنیا اور ورجینیا میں تجربہ گاہوں کو انتھراکس کی ترسیل ہوئی ہے جس پر تحقیقات شروع کر دی ہیں۔ پینٹاگون نے کہا ہے کہ اس سے عام عوام کےلئے کوئی خطرہ نہیں۔ بائیو کے حفاظتی ماہرین نے اینتھراکس وائرس کو ڈیڈ کئے بغیرترسیل پر شدید تنقید کی ہے۔ ماہرین نے بہتر تدابیر اختیار کرنے کا مطالبہ کیا ہے۔ ماہرین کے مطابق یہ وائرس اتنا خطرناک ہے کہ اس کی علامات میں جلدکا السر، متلی، قے اوربخار بھی شامل ہیں اورعلاج نہ کیا جائے تو موت کا سبب بن سکتا ہے۔ امریکہ میں بیماریوں کی روک تھام کے مرکز سی ڈی سی نے واقعہ کی تحقیقات شروع کر دی ہیں۔ امریکہ میں نائن الیون حملوں کے بعد اینتھراکس پاوڈر پر مشتمل خط امریکی سینیٹرز کے دفاتر میں بھیجے گئے تھے جس سے دو ہزار گیارہ میں بیس افراد بیمار ہوئے جن میں سے پانچ لوگ ہلاک ہو گئے تھے۔