اے ڈی خواجہ کو ہٹاکر نیا آئی جی لگانے کی سمری وفاق کو ارسال
کراچی ( 92 نیوز ) سندھ حکومت نے وفاق کو اے ڈی خواجہ کو ہٹا کر نیا آئی جی لگانے کی سمری ارسال کر دی ۔ وزیراعظم ہاؤس کے ذرائع کے مطابق سندھ حکومت نے عبدالمجید دستی کو نیا آئی جی لگانے کی سفارش کی ہے ۔
ذرائع کے مطابق وزیراعلیٰ سندھ نے آئی جی کی تبدیلی کی بات سی سی آئی اجلاس کے موقع پر وزیراعظم سے کی تھی ۔ جہاں وزیراعظم نے سندھ حکومت کو باضابطہ سمری بھجوانے کا کہا تھا ۔ وزیر اعظم نے وزیر اعلیٰ کو یقین دہانی کرائی تھی کہ اگلے آئی جی کی تقرری کے حوالے سے سندھ حکومت کے حق کا احترام کیا جائے گا۔
