اے این پی کی پی ڈی ایم سے علیحدگی پر ن لیگ اور جے یو آئی ف کا سخت ردعمل
لاہور (92 نیوز) اے این پی کی پی ڈی ایم سے علیحدگی پر مسلم لیگ ن اور جمعیت علمائے اسلام ف کا بھی سخت ردعمل سامنے آگیا۔
جمعیت علمائے اسلام ف کے رہنماء مولانا عبدالغفور حیدری نے اے این پی کے عمل کو تحریک کی پیٹھ میں چھرا گھونپنے کے مترادف قرار دے دیا۔ کہا کہ وقت بتائے گا اے این پی نے کس کے کہنے پر کسے ووٹ دیا۔
ادھر ترجمان مسلم لیگ ن مریم اورنگزیب بولیں امید ہے اے این پی اپنے فیصلے پر نظرثانی کرے گی۔ مزید کہا کہ ن لیگ بھی ایسا کرتی تو مولانا بطور سربراہ پی ڈی ایم وضاحت طلب کرسکتے تھے۔