ایک لاکھ 29 ہزار خالی آسامیوں کی تفصیلات وزیر اعظم کو پیش
اسلام آباد ( 92 نیوز)کئی وفاقی وزارتوں اورمحکموں میں افرادی قوت کی کمی، ایک لاکھ 29 ہزار خالی آسامیوں کی تفصیلات وزیر اعظم کو پیش کر دی گئی ۔
35 وزارتوں اور218 محکموں میں 1لاکھ 29 ہزارخالی آسامیوں کی تفصیلات وزیراعظم کو پیش کر دی گئی ، وزیراعظم عمران خان نے خالی آسامیاں پرکرنے کیلئے فوری اقدامات کرنے کی ہدایت کر دی ۔ رپورٹ کے مطابق مختلف محکموں میں گریڈ 16 سے 22 تک کی 13 ہزار421 آسامیاں خالی ہیں ۔
رپورٹ کے مطابق گریڈ 8 سے گریڈ 15 تک کی 41 ہزار آسامیوں پر تعیناتیاں ہونا ہیں، گریڈ 21 اور گریڈ 22 کی 96 آسامیاں بھی کئی برسوں سے خالی ہیں، ملک بھر میں 4 ہزار آسامیاں فیڈرل پبلک سروس کمیشن کے ذریعے پر ہونی ہیں۔
گریڈ 20 سے گریڈ 22 تک کی 23 بھرتیاں فیڈرل پبلک سروس کمیشن کے ذریعے ہونی ہیں۔