ایک ارب سے زائد آبادی پر مشتمل جوہری قوت پر نازی متاثرہ آر ایس ایس کا قبضہ ہے ، وزیراعظم
اسلام آباد (92 نیوز) وزیراعظم عمران خان نے کہا ایک ارب سے زائد آبادی پر مشتمل جوہری قوت پر نازی متاثرہ آر ایس ایس کا قبضہ ہے۔
وزیراعظم عمران خان نے ٹویٹ میں کہا جب بھی نسل پرستانہ نظریہ غالب آتا ہے تباہی کا باعث بنتا ہے۔ مقبوضہ کشمیر اور بھارت میں مسلمانوں پر زندگی تنگ کردی گئی۔ عالمی برادری کو نوٹس لینا ہو گا۔
ادھر بھارت دارلحکومت نئی دہلی میں پولیس سرپرستی میں آر ایس ایس کے غنڈوں کے حملوں میں ہلاکتیں بیس ہو گئیں۔ 200 سے زائد زخمی ہیں۔ دہلی اس وقت ہندو بلوائیوں کے کنٹرول میں ہے۔ مسلمان راج دھانی دہلی کو چھوڑنے پر مجبور ہو چکے ہیں۔ شمالی دہلی میں دیکھتے ہی گولی مارنے کے احکامات جاری اور حساس علاقوں میں فوج تعینات کر دی گئی ہے۔ فسادات میں اب تک درجن سے زائد افراد جان سے ہاتھ دھو بیٹھے ہیں۔ آر ایس ایس کے غنڈوں کے حملے جاری ہیں جنہیں روکنے والا کوئی نہیں۔آج ہم جوہری صلاحیت کی حامل 1 ارب سے زائد انسانوں پر مشتمل ریاست بھارت کو نازی ازم کی وارث آر ایس ایس کے ہاتھوں میں گرتا دیکھ رہے ہیں۔ نفرت کی بنیاد پر نسل پرستانہ نظریات کا حامل گروہ جب بھی غالب آتا ہے، قتل و غارت گری اور خونریزی کے دروازے کھل جاتے ہیں۔
— Imran Khan (@ImranKhanPTI) February 26, 2020