ایونجرز سیریز کی آخری کڑی اینڈ گیم کا پریمیئر، فلمی ستاروں نے دھوم مچا دی
لاس اینجلس (92 نیوز) لاس اینجلس میں ایونجرز سیریز کی آخری کڑی اینڈ گیم کے پریمیئر میں فلمی ستاروں نے دھوم مچا دی۔
لاس اینجلس کے کنونشن سنٹر میں ستاروں کا جمگھٹا لگا جس میں اپنے من پسند فنکاروں کو دیکھنے کیلئے لوگوں کی بڑی تعداد امڈ آئی۔
سپر ہیروز مداحوں کے بیچ اپنے اصل روپ میں آئے۔ آئرن مین، کیپٹن امریکا، تھور، ہلک، بلیک ویڈو، ہاک کے ساتھ ساتھ کیپٹن مارول اور اینٹ مین بھی پریمیئر کا حصہ بنے۔
ایونجرز کی آخری کڑی یعنی اینڈ گیم تین روز بعد یعنی چھبیس کو بڑی سکرین کی زینت بن رہی ہے جس میں شائقین ایک ساتھ کئی سپرہیروز کو دشمن کا مقابلہ کرتے دیکھ سکیں گے۔
