این اے 246 ضمنی الیکشن: سراج الحق اور جہانگیر ترین میں ملاقات متوقع

کراچی (نائنٹی ٹو نیوز) این اے دو سو چھیالیس کراچی کے ضمنی الیکشن کے حوالے سے امیر جماعت اسلامی سراج الحق اور جہانگیر ترین میں ملاقات متوقع ہے جس میں دونوں جماعتوں کے اتحاد پر بات ہو گی۔ کراچی ضمنی الیکشن کے حوالے سے تحریک انصاف اور جماعت اسلامی میں بات چیت کا سلسلہ جاری ہے۔ اس حوالے سے سراج الحق اور جہانگیر ترین میں اہم ملاقات چوبیس گھنٹوں میں متوقع ہے۔ ملاقات میں سیاسی اتحاد پر تفصیلی بات چیت ہو گی جبکہ ضمنی الیکشن کی انتخابی حکمت عملی پر بھی گفتگو ہو گی۔ تحریک انصاف نے وزیراعلیٰ پرویز خٹک اور سپیکر اسد قیصر کو بھی امیر جماعت اسلامی سے مذاکرات کا ٹاسک دے دیا ہے۔