این ایف سی ایوارڈ کا اجلاس آج وفاقی وزیرخزانہ کی زیرصدارت ہو گا
اسلام آباد (92نیوز) این ایف سی ایوارڈ کا اجلاس آج وفاقی وزیر خزانہ کی صدارت میں ہو گا۔ چھوٹے صوبے وسائل کی تقسیم کا فارمولا بدلنے کی سفارشات دیں گے۔ سندھ جی ایس ٹی وصولی کا اختیار، خیبرپختونخوا سکیورٹی کیلئے مزید فنڈز مانگے گا۔ تفصیلات کے مطابق:وفاق نے قومی مالیاتی کمیشن ایوارڈ کا اجلاس آج طلب کر لیا۔
ذرائع کے مطابق اجلاس میں چاروں صوبوں کے وزراء خزانہ اور اراکین شرکت کریں گے۔ اجلاس ساڑھے تین سال کے بعد بلایا گیا ہے۔ چاروں صوبوں کے ورکنگ گروپس نے اپنی اپنی سفارشات تیار کر لی ہیں۔
ذرائع کا کہنا ہے کہ چاروں صوبوں کی طرف سے نئے این ایف سی ایوارڈ کے لیے مطالبات پیش کیے جائیں گے۔ امکان ہے کہ بلوچستان ایوارڈ میں آبادی کے بجائے پسماندگی کی بنیاد پر حصہ میں اضافہ کا مطالبہ کرے گا۔