ایم کیوایم بہادرآباد کے شبیر قائم خانی آج پی ایس پی کا حصہ بن جائیں گے

کراچی (92 نیوز) پاک سرزمین پارٹی آج ایم کیوایم کی ایک اور پتنگ کاٹے گی ۔ بہادرآباد گروپ کے ناراض رکن شبیر قائم خانی آج کمال کے ہو جائیں گے ۔ شبیرقائم خانی کا تعلق میرپورخاص سے ہے ۔ ذرائع کے مطابق سینکڑوں کارکن بھی کمال کے ہو جائیں گے ۔ شبیر قائم خانی آج دوپہر مصطفیٰ کمال کے ہمراہ پریس کانفرنس میں شمولیت کا باقاعدہ اعلان کریں گے ۔ ناراض رکن شبیر قائم خانی 2 مرتبہ سندھ حکومت میں وزیر بھی رہ چکے ہیں ۔ پاک سرزمین ایم کیوایم کی پتنگیں کاٹتی جارہی ہے ۔ امکان ظاہر کیا جارہا ہے کہ آنے والے دنوں میں مزید پتنگیں کمال کے آنگن میں گریں گی ۔