ایم کیو ایم پاکستان کے کارکن کے قتل میں ملوث تین ٹارگٹ کلرز گرفتار
کراچی ( 92 نیوز ) کراچی میں ایم کیو ایم لندن کے تین ٹارگٹ کلرز کو رینجرز نے دھرلیا ۔ گرفتار ٹارگٹ کلرز کو شاہ فیصل کالونی سے گرفتار کیا گیا ۔ ترجمان رینجرز کے مطابق گرفتار ٹارگٹ کلرز آصف ، شاہد عزیز اوردانش ایم کیو ایم پاکستان کے کارکن اور یونین کونسل کے چیئرمین راشد عرف ماموں کے قتل میں ملوث ہیں ۔
گرفتار ٹارگٹ کلرز نے انکشاف کیا کہ انہیں قتل کے احکامات امریکا سے ایم کیو ایم لندن کی ممبر کہکشاں دیا کرتی تھی ۔ جس کے لیے واٹس اپ ایپلی کیشن کا استعمال کیا جاتا تھا ۔راشد عرف ماموں کو قتل کرنے کے بعد ملزمہ کہکشاں نے تین لاکھ روپے کی رقم دو قسطوں میں بھیجی ۔ گ
گرفتار ٹارگٹ کلرز ایم کیوایم لندن کی قیادت پر ٹارگٹ کلنگ سمیت بھتہ وصولی اور دیگر جرائم میں بھی ملوث ہیں ۔ ملزموں کے قبضے سے اسلحہ اور ایمونیشن بر آمد کرلیا گیا ۔