ایم کیو ایم نے رینجرز چوکیوں پر حملوں میں کارکنوں کے ملوث ہونے کے الزامات کو مسترد کردیا

کراچی(92نیوز)ایم کیوا یم نے رینجرز چوکیوں پر  حملوں  میں  کارکنوں کے ملوث ہونے  کے  الزامات کو مسترد کردیا ۔ تفصیلات کےمطابق خورشید بیگم سیکریٹریٹ کراچی  میں ہنگامی پریس  کانفرنس کرتے ہوئے رکن  سندھ اسمبلی محمد حسین نے کہا کہ سانحہ صفورا، پروین رحمان، ڈاکٹر شکیل اوج کے قتل کا الزام بھی ایم کیوایم پر لگایا گیا  لیکن تحقیقات میں ثابت ہوا کہ  ان میں کالعدم  تنظیمیں  ملوث ہیں۔ انہو ں نے کہا کہ  الزامات متحدہ قومی موومنٹ کے خلاف منظم سازش ہیں  ایسے   ہتھکنڈوں  سے  ایم کیو ایم کو ختم نہیں کیا جاسکتا ۔