ایلیٹ فورس کے کانسٹیبل کی عمر حد 50 سال کرنے بارے درخواست آئی جی کو بھیج دی گئی

لاہور ( 92 نیوز) لاہور ہائیکورٹ نے ایلیٹ فورس میں رہنے کیلئے  کانسٹیبل کی عمر کی حد 50 سال کرنے سے متعلق درخواست آئی جی پنجاب کو بھیج دی ۔ درخواست  گزار ایلیٹ فورس کے کانسٹیبل علی عمران نے ہائیکورٹ سے  رجوع کیا تھا ، درخواست میں موقف اپنایا کہ  ایلیٹ فورس کا کانسٹیبل رہنے کیلئے  عمر کی حد 42 برس مقرر ہے جس کےبعد  خدمات پنجاب پولیس کے حوالے کر دی جاتی ہیں ۔ درخواست گزار نے کہا کہ  اے ایس آئی ، سب انسپکٹر اور انسپکٹر 50 سال کی عمر تک ایلیٹ فورس میں رہ سکتا ہے  ، یہ دوہرا معیار آرٹیکل 4 اور25 کی خلاف ورزی ہے ، عدالت کانسٹیبل کی حد عمر بھی 50 سال کرنے کا حکم دے۔