ایف سی اور رینجرز کی قربانیوں سے دہشتگردی کے خلاف جنگ جیت رہے ہیں : آرمی چیف
راولپنڈی(92نیوز)آرمی چیف جنرل راحیل شریف نے کہا ہےکہ فوجی جوانوں ،فرنٹیئرکور اور رینجرز کی قربانیوں کی وجہ سے دہشتگردی کے خلاف جنگ جیت رہے ہیں ۔
تفصیلات کےمطابق آرمی چیف جنرل راحیل شریف کی زیر صدارت راولپنڈی میں کورکمانڈر کانفرنس ہوئی ۔
آئی ایس پی آر کے مطابق کورکمانڈر کانفرنس میں ملک کی اندرونی و بیرونی امن و امان کی صورتحال زیر غور آ ئی ۔
کانفرنس کے شرکا کو پاک فوج کے پیشہ وارانہ اموراور ملک بھر میں جاری آپریشنز پر بریفنگ دی گئی ۔
آرمی چیف کی جانب سے شوال میں آپریشن مکمل ہونے پر پاک فوج کے دستوں کو خراج تحسین پیش کیا گیا ۔