ایف بی آر نے ٹیکس گزاروں کے بینک اکاؤنٹس منجمد کرنے کے اختیارات بحال کر دیے
اسلام آباد (92 نیوز) ایف بی آر نے ٹیکس گزاروں کے بینک اکاؤنٹس منجمد کرنے کے اختیارات بحال کر دیے ۔ اکاؤنٹس منجمد کرنے کے لیے چیئرمین ایف بی آر کی پیشگی منظوری کی شرط ختم کر دی گئی۔
جاری مراسلہ کے مطابق ایف بی آر کے مطابق ٹیکس کمشنروں کے لیے اکاؤنٹس منجمد کرنے سے 24 گھنٹے قبل متعلقہ کمپنی کے سی ای او کو آگاہ کرنے کی شرط بھی ختم کر دی ہے۔
مراسلہ کے مطابق اکاؤنٹس منجمد کرنے کے لیے چیئرمین ایف بی آر سے پیشگی منظوری لینے کی شرط بھی ختم کر دی گئی ہے۔
ایف بی آر کے مطابق انکم ٹیکس آرڈیننس 2001 کی سیکشن 140 کے تحت ٹیکس حکام کے اختیارات بحال کردئیے گئے ہیں۔ سیلز ٹیکس میں بھی 2 اپریل 2020 کو جاری کردہ ایس آر او کے تحت کمشنروں کے بینک اکاؤنٹ منجمد کرنے کے اختیارات ختم کر دئیے گئے تھے۔