ایف آئی اے اینٹی کرپشن سرکل نے نسلہ ٹاور میں تعمیراتی بے قائدگیوں کے خلاف تحقیقات شروع کر دیں
کراچی (92 نیوز) ایف آئی اے اینٹی کرپشن سرکل نے نسلہ ٹاور اور دیگر تعمیراتی بے قائدگیوں کے خلاف تحقیقات شروع کر دیں۔
ایف آئی اے اینٹی کرائم سرکل نے ایس بی سی اے ایسٹ کے سابق اور ساوتھ کے موجودہ ڈائریکٹر آصف رضوی کو نوٹس جاری کر دیا۔ آصف رضوی کو بیان ریکارڈ کرانے کے لیے طلب بھی کر لیا۔ دونوں تعمیراتی منصوبوں کے مکمل ریکارڈ بھی ساتھ لانے کی ہدایت کی ہے۔
ایف آئی اے نے محکمہ ماسٹر پلان کے ڈائریکٹر کو بھی بیان ریکارڈ کرانے کے لیے طلب کیا ہے۔
سندھ لوکل گورنمنٹ بورڈ اور اینٹی کرپشن آصف رضوی کے خلاف لاکھوں روپے رشوت وصولی کے الزامات پر تحقیقات کر چکے ہیں۔
سندھ لوکل گورنمنٹ بورڈ نے ضلع شرقی میں غیرقانونی تعمیرات کا ذمہ دار آصف رضوی کو قرار دے کر سخت سزا کی تجویز بھی دی تھی۔