ایرانی زائرین رواں سال حج کی ادائیگی کیلئے حجاز مقدس جائیں گے

ریاض (ویب ڈیسک)سعودی اور ایرانی حکام کے درمیان معاملات طے پانے کے بعد سعودی عرب نے ایرانی شہریوں کو حج کی ادائیگی کی اجازت دے دی۔ عرب میڈیا کے مطابق سعودی عرب کے وزیر برائے حج وعمرہ ڈاکٹر محمد بنتن اورایرانی وفد کے درمیان ملاقات ہوئی جس میں دونوں جانب سے ایرانی زائرین کے فریضہ حج کی ادائیگی سے متعلق مذاکرات ہوئے جن میں معاملات طے پانے کے بعد رواں برس ایرانی زائرین بھی حج کرسکیں گے۔ سعودی عرب نے ایران کےساٹھ ہزار شہریوں کو حج کی ادائیگی کی اجازت دی ہے جب کہ رواں سال مناسک حج کی ادائیگی کے لیے تمام ضروری اقدامات بھی مکمل کرلیے گئے ہیں۔