ایران کا 17 امریکی جاسوس پکڑنے کا دعویٰ

تہران (92 نیوز) ایران نے امریکی انٹیلی جنس ایجنسی سی آئی اےکے جاسوسی نیٹ ورک کو توڑتےہوئے17 جاسوس پکڑنےکا دعویٰ کیاہے ،ایرانی وزارت انٹیلی جنس کا کہنا ہے یہ لوگ ایران کے ایٹمی اور اقتصادی پروگرامز کی جاسوسی پرمامور تھے۔ ایرانی وزارت انٹیلی جنس  کے مطابق پکڑے گئے افراد ایران کےایٹمی پروگرام، اقتصادی پروگرام  اور سائبر نظام کی جاسوسی پر مامور تھے اور ان کا آپس میں رابطہ نہیں تھا۔ ایرانی حکومت نے پکڑے گئے جاسوسوں کی شناختی دستاویزات کی نقول کے علاوہ ان کو ہینڈل کرنےوالے متعلقہ حکام کی تصاویر بھی جاری کی ہیں۔ بعض کو سزائے موت بھی سنا دی گئی ۔ ایرانی دعوے پر تاحال امریکا کا کوئی ردعمل سامنے نہیں آیا ہے۔