ایاز صادق نے حکومت اور اپوزیشن میں نیب قانون پر مذاکرات کی تردید کردی

لاہور ( 92 نیوز) سابق اسپیکر قومی اسمبلی اور مسلم لیگ ن کے ہنما  ایاز صادق نے حکومت اور اپوزیشن  میں نیب کے قانون پرمذاکرات کی تردیدکر دی ، کہا کہ  ہم تو چاہتے ہیں کہ دوسرے ادارے مضبوط ہوں اور نیب ختم ہی ہو جائے  ۔

لاہور میں ن لیگی رہنماؤں نے پریس کانفرنس کی ، ایاز صادق کا کہنا تھا کہ   حکومت اور اپوزیشن کے درمیان نیب کے قانون پر کوئی مذاکرات نہیں چل رہے ، نیب کو ختم کر کے باقی اداروں کو مضبوط کرنا چائیے ۔

ن لیگی رہنماؤں کا کہنا تھا کہ ساری دنیا اپنی طاقت کورونا کے خلاف استعمال کر ہری ہے اور یہاں اپوزیشن اور میڈیا کے خلاف استعمال کی جا رہی ہے ، ڈاکٹرز جس طرف ہمیں اشارہ دے رہے ہیں اللہ نہ کرے کہ ایسی پوزیشن ہو، حکومت سے درخواست ہے کورونا پر فوکس کرے اپوزیشن کہیں نہیں جا رہی ۔