ایئروائس مارشل فاروق حبیب اور ایئرکموڈور محمد دبیر کی ترقی
اسلام آباد(92نیوز)حکومت پاکستان نے ایئر وائس مارشل فاروق حبیب کو ایئر مارشل اور ائیر کمو ڈور محمد خالد دبیر کو ائیر وائس مارشل کے عہدوں پر ترقی دے دی۔
تفصیلات کےمطابق ایئرمارشل فاروق حبیب نے پاکستان ایئر فورس کی جی ڈی پی برانچ میں جون 1982 میں کمیشن حاصل کیا۔
اپنے کیرئیر کے دوران انھوں نے فائٹر سکوارڈرن اور آپریشنل ائیر بیس کی کمانڈ کی انھیں پاک فضائیہ میں شاندار خدمات پر ستارہ امتیاز سے نوازا گیا جبکہ ائیر وائس مارشل محمد خالد دبیر نے پاکستان ائیر فورس کی جی ڈی پی برانچ میں نومبر 1985 میں کمیشن حاصل کیا انھیں بھی شاندار خدمات پر ستارہ امتیاز سے نوازا گیا ۔