ایئر پاور سنٹر آف ایکسیلنس میں 53 ویں کمبیٹ کمانڈرز کورس کی گریجویشن تقریب
اسلام اباد (92 نیوز) ایئر پاور سنٹر آف ایکسیلنس میں 53 ویں کمبیٹ کمانڈرز کورس کی گریجویشن تقریب ہوئی۔ سربراہ پاک فضائیہ ایئر چیف مارشل مجاہد انور خان مہمان خصوصی تھے۔
ایئر چیف کا کہنا تھا کوئی بھی پیشہ ور فوج تعداد اور سامان حرب کی قلت کوعزم وہمت اور بہتر تربیت سے متوازن کر سکتی ہے۔ عصر حاضر میں درپیش چیلنجز اور ان سے منسلک حکمت عملی سے اچھی طرح آگاہ ہو کر ہی ہم بہترین عسکری تربیت کے حصول کو ممکن بنا سکتے ہیں۔ بہترین نظم و ضبط اور کامریڈ شپ پاک فضائیہ کے نصب العین کی مؤثر تکمیل کے لئے ضروری ہیں۔