ای وی ایم نظام پر اپوزیشن کے تمام خدشات دور کریں گے، فواد چودھری
اسلام آباد (92 نیوز) وفاقی وزیراطلاعات فواد چودھری کا کہنا ہے ای وی ایم نظام پر اپوزیشن کے تمام خدشات دور اور تجاویز کا خیرمقدم کریں گے۔
اپنے ٹویٹ پیغام میں فواد چودھری نے اپوزیشن کو عدالت کی بجائے اسپیکر آفس جانے کا مشورہ دے دیا۔ انہوں نے کہا ای وی ایم نظام پر آپکے تمام خدشات دور اور تجاویز کا خیرمقدم کریں گے۔
انہوں نے کہا اوورسیز پاکستانیز کے ووٹ کے حق سے پیچھے نہیں ہٹیں گے۔
اپوزیشن کو ایک بار پھر کہتاہوں عدالت کی بجائے اسپیکر آفس آئیں اصلاحات کیلئے آپ کی تجاویز کا خیر مقدم کریں گے EVM کے نظام کو پہلے صرف سمجھیں آپ کے تمام خدشات دور کریں گے اوورسیز پاکستانیوں کے ووٹ کے حق پر پیچھے نہیں ہٹ سکتے یہ ہمارا انتخابی وعدہ تھا
— Ch Fawad Hussain (@fawadchaudhry) November 18, 2021
ادھر معاون خصوصی شہباز گل نے ٹویٹ لکھا کہ عمران خان نے تاریخ رقم کر دی۔ آج سے پاکستان میں ایک نیا باب شروع ہو رہا ہے۔ الیکشن کے طور طریقے بدلنے لگیں گے۔
کل کی کامیاب قانون سازی کے بعد اپوزیشن کی کمر ٹوٹ چکی۔آج سے پاکستان میں ایک نیا باب شروع ہو رہا ہے۔الیکشن کے طور طریقے بدلنے لگیں گے۔اب الیکشن غنڈا گردی اور چالاکی سے نہیں بلکہ عوام سے رابطے پر لڑا جائے گا۔ اوورسیز پاکستانی کا اصل مقام اسے واپس مل گیا۔عمران خان نے تاریخ رقم کر دی
— Dr. Shahbaz GiLL (@SHABAZGIL) November 18, 2021