اپوزیشن کی تمام جماعتیں سینیٹ انتخابات میں حصہ لینے کو تیار ہو گئیں ، ذرائع

اسلام آباد (92 نیوز) اپوزیشن کی تمام جماعتیں سینیٹ انتخابات میں حصہ لینے کو تیار ہو گئیں۔ ذرائع کے مطابق قانونی ماہرین کی رائے پر پی ڈی ایم جماعتوں نے فیصلہ کر لیا۔

قانونی ماہرین نے مولانا فضل الرحمن اور دیگر کو اسمبلیاں ٹوٹنے کے باوجود سینیٹ انتخابات ہونے کی رائے دی ہے۔ قانونی ماہرین نے مولانا فضل الرحمان  کو رائے دی ہے کہ اپوزیشن ارکان استعفے بھی دیدیں تو بھی سینیٹ الیکشنز ہو سکتے ہیں۔

ذرائع کے مطابق ایک اسمبلی مکمل ٹوٹ جائے تو بھی سینیٹ الیکشن نہیں رک سکتے۔ مولانا فضل الرحمن نے سینیٹ انتخابات پر تمام پی ڈی ایم قائدین کو اعتماد میں لے لیا ہے۔ ذرائع کے مطابق  پی ڈی ایم کی سٹیرنگ کمیٹی کا اجلاس بھی 19 جنوری کو طلب کرلیا گیا ہے۔ اجلاس میں ضمنی اور سینیٹ الیکشن میں مشترکہ پلیٹ فارم سے حصہ لینے کی حکمت عملی مرتب کی جائے گی۔