اپوزیشن کی اے پی سی آج ایک بجے مولانا فضل الرحمان کی رہائشگاہ پر ہوگی
اسلام آباد ( 92 نیوز)حکومت کو دیا گیا الٹی میٹم ختم ہو گیا ، آئندہ کے لائحہ عمل کے لئے اپوزیشن جماعتوں کی آل پارٹیز کانفرنس ایک بجے مولانا فضل الرحمان کی رہائشگاہ پر ہو گی ۔
اپوزیشن کی آل پارٹیز کانفرنس میں چیئرمین پاکستان پیپلزپارٹی بلاول بھٹو زرداری ، صدر مسلم لیگ ن شہباز شریف ، اسفند یار ولی ولی کی شرکت کا امکان ہے ۔
گزشتہ رات مولانافضل الرحمان نے آزادی مارچ کے شرکاء سے خطاب کرتے ہوئے کہا تھا کہ حکومت کو جانا ہوگا ، پورا ملک بند کر سکتے ہیں لیکن اگلے اقدام کا فیصلہ تمام اپوزیشن جماعتوں کی مشاورت سے ہوگا۔