اپوزیشن مہنگائی سے متعلق حکومت کے خلاف پروپیگنڈا کر رہی ہے ، وزیراعظم

اسلام آباد (92 نیوز) وزیراعظم عمران خان نے کہا اپوزیشن مہنگائی سے متعلق حکومت کے خلاف پروپیگنڈا کر رہی ہے۔ وزیراعظم کی زیرصدارت پولیٹیکل کمیٹی کا اجلاس ہوا۔ اجلاس میں موجودہ سیاسی صورتحال پر غور کیا گیا۔ وزیراعظم عمران خان نے وزرا اور پارٹی رہنماؤں کے ساتھ مشاورتی اجلاس میں گفتگو کرتے ہوئے کہا ماضی کی حکومتوں کی غلط پالیسیوں کا نقصان عوام کو بھگتنا پڑ رہا ہے۔ موجودہ حکومت نے معیشت کو پاؤں پر کھڑا کر دیا۔ ثمرات آنے والے دنوں میں عوام کو ملنے لگیں گے۔ وزیراعظم نے کہا دو سال کی محنت سے معیشت کو پاوں پر کھڑا کیا ہے۔ عوام کس کے ساتھ ہیں؟ جلسوں سے پتہ چل گیا۔ گلگت بلتستان میں تحریک انصاف ہی کامیاب ہو گی۔