اپوزیشن حکومت کو دباؤ میں لانا چاہتی ہے لیکن کامیاب نہیں ہوگی ، شبلی فراز

اسلام آباد (92 نیوز) وفاقی وزیر اطلاعات سینیٹر شبلی فراز نے کہا کہ اپوزیشن حکومت کو دباؤ میں لانا چاہتی ہے لیکن کامیاب نہیں ہو گی۔

وفاقی وزیر اطلاعات نے 92 نیوز کے پروگرام ہو کیا رہا ہے میں گفتگو کرتے ہوئے کہا کہ کچھ ہم خیالوں نے تحریک انصاف کو فنڈز دیے ، ن لیگ اور مولانا الیکشن کمیشن  کے سامنے احتجاج کرنے آئیں تو ثبوت بھی لائیں ۔

ان کا مزید کہنا تھا کہ یہ  ضرور بتائیں  انہوں نے خود کس سے ، کتنے پیسے لئے ، عوام کرپشن  کے خلاف نکلتے ہیں ، کرپشن بچانے کیلئے نہیں ۔