آزاد کشمیر حکومت کا سید علی گیلانی کے انتقال پر تین روزہ سوگ کا اعلان
مظفرآباد (92 نیوز) آزاد کشمیر حکومت نے سید علی گیلانی کے انتقال پر تین روزہ سوگ کا اعلان کر دیا۔
وزیراعظم آزاد کشمیر سردار عبدالقیوم نیازی نے گہرے رنج وغم کا اظہار کیا۔ انہوں نے کہا سید علی گیلانی کی رحلت سے دل رنجیدہ ہے۔ کشمیری قوم سید علی گیلانی کے نقش قدم پر چلتے ہوئے آزادی کی منزل حاصل کرے گی۔
سید علی گیلانی کی رحلت کا سن کر دل رنجیدہ ہے، وہ تحریک آزادی کشمیر کے روح رواں تھے، انہوں نے اپنی پوری زندگی تحریک آزادی کشمیر کے لیے وقف کر رکھی تھی، سید گیلانی نے بھارتی ظلم و جبر کا دلیری کیساتھ مقابلہ کیا وہ ایک عزم و حوصلہ کے کوہ گراں تھے.
— Sardar Abdul Qayyum Niazi (@AbdulQniazi) September 1, 2021