اوپر سے نیچے تک جھوٹ کا کاروبار، مہنگائی کی وجہ سے لوگ خودکشیوں پر مجبور ہیں، مریم نواز
لاہور (92 نیوز) مسلم لیگ ن کی نائب صدر مریم نواز کہتی ہیں کہ اوپر سے نیچے تک جھوٹ کا کاروبار، مہنگائی کی وجہ لوگ فاقہ کشی اور خودکشیوں پر مجبور ہیں۔
نااہل حکمران کا مسلط کردہ مہنگائی کا شدید عذاب، فاقہ کشی سے تنگ آئے لوگوں کی خودکشیاں،ہر شعبے میں خطے کا سب سے پسماندہ ملک بنا دینے کے بعد بھی اوپر سے نیچے تک جھوٹ کا کاروبار جاری ہے۔جب حکمران کا دل عوام کی ہمدردی اور آنکھ حیا سے عاری ہو جائے آئے تو یہی ڈھٹائی دیکھنے میں آتی ہے۔
ہفتہ کے روز اپنے ٹویٹ پیغام میں مریم نواز نے کہا جب حکمران کا دل عوام کی ہمدردی اور آنکھ حیا سے عاری ہو جائے تو یہی ڈھٹائی دیکھنے میں آتی ہے۔
انہوں نے مزید کہا پی ڈی ایم اور مسلم لیگ ن عوام کے دکھوں کا مداوا اوران کی آواز بنے گی۔